إدارة مشروعج | اكسل وردي

ملف اكسل بالعربي قابل للتعديل ، ترتبين فيه منتجاتج وطلباته ومخزونج وعميلاتج ومصاريفج، وتعرفين ربحج الحقيقي آخر كل شهر 

شنو داخل الملف ؟
▫️ الرئيسية
تكتبين اسم مشروعج ويطلع فوق كل الصفحات وفي الفاتورة. وفيها أزرار توديج لأي صفحة بضغطة وحدة.

▫️ الطلبات والمبيعات
رقم الطلب يطلع بروحه. تختارين العميلة والمنتج وتكتبين الكمية والخصم، والسعر والتكلفة والربح ينحسبون بروحهم. ولو الطلب فيه أكثر من منتج، تأشّرين ✓ ويصير كله تحت نفس رقم الطلب.
وفيها بعد:

• رسوم التوصيل وتكلفته
• طريقة الدفع والمبلغ المستلم، والمتبقي وحالة الدفع يطلعون بروحهم
• مكان البيع: إنستقرام، واتساب، سناب، الموقع، سنونو، رفيق
• حالة الطلب من "جديد" لين "تم التسليم"

▫️ المنتجات
تكتبين كل منتج مرة وحدة بسعر الشراء وسعر البيع، ويطلع لج ربح القطعة ونسبته.

▫️ المخزون
ينحسب كله بروحه: الكمية الافتتاحية + المشتريات − المباع. المنتج اللي قرب يخلص يتلون عشان تطلبين منه في وقته.

▫️ المشتريات
كل بضاعة تشترينها تسجلينها، وتنزاد في المخزون بروحها.

▫️ العميلات
لكل عميلة رقمها ومنطقتها، وكم طلب سوت، وكم اشترت، وتاريخ آخر طلب.

▫️ المصاريف
الإيجار والإعلانات والتغليف وغيرها، عشان يطلع لج صافي الربح الحقيقي.

▫️ الملخص
تختارين الشهر، ويطلع لج:

• المبيعات وتكلفة البضاعة والمصاريف وصافي الربح
• عدد الطلبات، والمبالغ المستلمة والمتبقية، وقيمة المخزون
• هدف الشهر، ويّا شريط يوريج كم وصلتي منه
• أكثر 5 منتجات انباعت، والمنتجات اللي قربت تخلص
• جدول للـ 12 شهر ورسم بياني

▫️ الفاتورة
تكتبين رقم الطلب، والفاتورة تتعبى بروحها وتطلع جاهزة للطباعة أو ترسلينها PDF للعميلة.

▫️ تعليمات بالعربي ومثال جاهز عشان تبدين على طول.

ليش بتحبينه؟
✔️ ملف إكسل قابل للتعديل، تغيرين فيه اللي تبينه
✔️ ما يحتاج تعرفين إكسل، كل المعادلات جاهزة
✔️ قوائم تختارين منها بدال ما تكتبين كل مرة
✔️ الطلب الملغي والمرتجع ينشطب وما يخرب حسبتج، والمرتجع يرجع للمخزون
✔️ تنبيهات بالألوان للطلب اللي ما انتدفع وللمنتج اللي قرب يخلص
✔️ تقدرين تعدلين طرق الدفع وأماكن البيع وبنود المصاريف على كيفج
✔️ يتسع لـ 600 طلب و150 منتج و300 عميلة
✔️ تصميم مرتب بالأبيض والأسود والرصاصي

حق منو؟ حق المشاريع المنزلية والمتاجر الأونلاين، اللي تبي تعرف شنو انباع، وشنو باقي في المخزون، وكم ربحت فعلًا.

📥 منتج رقمي بصيغة إكسل، قابل للتعديل، ويوصلج على طول بعد الدفع