سجل طلبات | اكسل

ملف إكسل بالعربي تسجلين فيه مبيعات مشروعج، وتتابعين الطلبات والدفع، وتعرفين شكثر بعتي وشكثر باقي لج تحصّلين.

شنو داخل الملف؟

▫️ سجل المبيعات والطلبات
تسجلين التاريخ، رقم الطلب، المنتج، الكمية، سعر القطعة والخصم، وإجمالي البيعة ينحسب بروحه.

▫️ متابعة الدفع
تختارين طريقة الدفع وتكتبين المبلغ اللي استلمتيه، ويطلع لج المتبقي وحالة الدفع: مدفوع، مدفوع جزئيًا أو غير مدفوع. وكل حالة لها لون عشان تعرفين منو باقي عليه.

▫️ مكان البيع وحالة الطلب
تحددين من وين وصلج الطلب: إنستقرام، واتساب، الموقع، سنونو، رفيق أو غيرها، وتتابعينه من "جديد" لين "تم التسليم".

▫️ ملخص شهري تلقائي
يعرض لج كل شهر إجمالي المبيعات، وعدد الطلبات، والمبالغ المستلمة والمتبقية، وتختارين أي شهر ويطلع لج أكثر 5 منتجات انباعت فيه.

▫️ تعليمات ومثال جاهز
شرح بسيط بالقطري وخانات واضحة، عشان تبدين على طول.

ليش بتحبينه؟
✔️ ما يحتاج تعرفين إكسل، كل المعادلات جاهزة
✔️ قوائم تختارين منها بدال ما تكتبين كل مرة
✔️ لو الطلب فيه أكثر من منتج، يحسب الطلب مرة وحدة بس
✔️ الطلب الملغي ينشطب وما يخرب حسبتج
✔️ تقدرين تعدلين المنتجات وطرق الدفع وأماكن البيع على كيفج
✔️ تصميم مرتب بالأبيض والأسود والرصاصي

حق من؟ حق المشاريع المنزلية والمتاجر الأونلاين، سواء تبيعين من مخزون أو تجهزين حسب الطلب.

📝 ملاحظة: الملف ينظّم المبيعات والتحصيل، وحساب صافي الربح يحتاج خصم التكاليف والمصاريف.

📥 منتج رقمي بصيغة إكسل، قابل للتعديل، ويوصلج على طول بعد الدفع