إدارة المشروع | اكسل ابيضّ واسود

ملف اكسل قابل للتعديل

شنو داخل الملف؟

▫️ الرئيسية
تكتب اسم مشروعك ويطلع فوق كل الصفحات وفي الفاتورة. وفيها أزرار توديك لأي صفحة بضغطة وحدة.

▫️ الطلبات والمبيعات
رقم الطلب يطلع بروحه. تختار العميل والمنتج وتكتب الكمية والخصم، والسعر والتكلفة والربح ينحسبون بروحهم. ولو الطلب فيه أكثر من منتج، تأشّر ✓ ويصير كله تحت نفس رقم الطلب.
وفيها بعد:

• رسوم التوصيل وتكلفته
• طريقة الدفع والمبلغ المستلم، والمتبقي وحالة الدفع يطلعون بروحهم
• مكان البيع: إنستقرام، واتساب، سناب، الموقع، سنونو، رفيق
• حالة الطلب من "جديد" لين "تم التسليم"

▫️ المنتجات
تكتب كل منتج مرة وحدة بسعر الشراء وسعر البيع، ويطلع لك ربح القطعة ونسبته.

▫️ المخزون
ينحسب كله بروحه: الكمية الافتتاحية + المشتريات − المباع. المنتج اللي قرب يخلص يتلون عشان تطلب منه في وقته.

▫️ المشتريات
كل بضاعة تشتريها تسجلها، وتنزاد في المخزون بروحها.

▫️ العملاء
لكل عميل رقمه ومنطقته، وكم طلب سوى، وكم اشترى، وتاريخ آخر طلب.

▫️ المصاريف
الإيجار والإعلانات والتغليف وغيرها، عشان يطلع لك صافي الربح الحقيقي.

▫️ الملخص
تختار الشهر، ويطلع لك:

• المبيعات وتكلفة البضاعة والمصاريف وصافي الربح
• عدد الطلبات، والمبالغ المستلمة والمتبقية، وقيمة المخزون
• هدف الشهر، ويّا شريط يوريك كم وصلت منه
• أكثر 5 منتجات انباعت، والمنتجات اللي قربت تخلص
• جدول للـ 12 شهر ورسم بياني

▫️ الفاتورة
تكتب رقم الطلب، والفاتورة تتعبى بروحها وتطلع جاهزة للطباعة، أو ترسلها PDF للعميل.

▫️ تعليمات بالعربي ومثال جاهز عشان تبدأ على طول.

ليش بيعجبك؟
✔️ ملف إكسل قابل للتعديل، تغير فيه اللي تبيه
✔️ ما يحتاج تعرف إكسل، كل المعادلات جاهزة
✔️ قوائم تختار منها بدال ما تكتب كل مرة
✔️ الطلب الملغي والمرتجع ينشطب وما يخرب حسبتك، والمرتجع يرجع للمخزون
✔️ تنبيهات بالألوان للطلب اللي ما انتدفع وللمنتج اللي قرب يخلص
✔️ تقدر تعدل طرق الدفع وأماكن البيع وبنود المصاريف على كيفك
✔️ يتسع لـ 600 طلب و150 منتج و300 عميل
✔️ تصميم مرتب بالأبيض والأسود والرصاصي

حق منو؟ حق المشاريع الصغيرة والمتاجر الأونلاين، واللي يبي يعرف شنو انباع، وشنو باقي في المخزون، وكم ربح فعلًا.

📥 منتج رقمي بصيغة إكسل، قابل للتعديل، ويوصلك على طول بعد الدفع